"Qarabağ" komandası UEFA Çempionlar Liqasının Liqa mərhələsində IV tur matçına çıxıb.
Sportnet.az xəbər verir ki, Tofiq Bəhramov adına Respublika stadionunda keçirilmiş görüşdə rəqib İngiltərə təmsilçisi "Çelsi" olub.
Avstriyalı baş hakim Sebastian Gishamerin idarə etdiyi oyun 2:2 hesablı heç-heçə ilə yekunlaşıb.
Hesabı 16-cı dəqiqədə "zadəganlar"ın braziliyalı futbolçusu Estevan Villian açıb. Bundan 11 dəqiqə sonra onun həmyerlisi Kadi Borges Mark Kukurelyanın müdaxiləsindən sonra zədə alıb. Onun meydandan kənarda olduğu vaxt "Qarabağ" bərabərlik qolunu vurub. 29-cu dəqiqədə komandanın bombardiri Leandro Andrade Kamilo Duranın zərbəsindən sonra qapı dirəyindən dönən topu təkrar zərbə ilə tora göndərib.
39-cu dəqiqədə isə Azərbaycan komandası hesabda önə keçib. Rəqibin cərimə meydançasına ötürülən ötürmə zamanı müdafiəçi əllə oynayıb. Referinin təyin etdiyi penaltini Marko Yankoviç dəqiq yerinə yetirib. "Qarabağ" ilk yarını 2:1 hesabı ilə öndə tamamlayıb.
İkinci hissəyə rəqib 3 dəyişikliklə başlayıb. Onlardan Alexandro Qarnaço 53-cü dəqiqədə bərabərlik qolunu vurub.
Qalan dəqiqələr qarşılıqlı hücumlar şəraitində keçib. "Qarabağ" klublararası dünya çempionatının qalibi qarşısında hücum futbolunu davam etdirib və rəqibin həmlələri qarşısında müdafiədə etibarlı çıxışı ilə diqqət çəkib. Oyunun uzatma dəqiqəsində isə Aleksey Kaşuk real qol imkanını qaçırıb.
Beləliklə, "Qarabağ" qələbəyə bərabər heç-heçə əldə edərək, xalını 7-yə çatdırıb. "Çelsi"nin də eyni xalı var.
Sportnet.az xəbər verir ki, Tofiq Bəhramov adına Respublika stadionunda keçirilmiş görüşdə rəqib İngiltərə təmsilçisi "Çelsi" olub.
Avstriyalı baş hakim Sebastian Gishamerin idarə etdiyi oyun 2:2 hesablı heç-heçə ilə yekunlaşıb.
Hesabı 16-cı dəqiqədə "zadəganlar"ın braziliyalı futbolçusu Estevan Villian açıb. Bundan 11 dəqiqə sonra onun həmyerlisi Kadi Borges Mark Kukurelyanın müdaxiləsindən sonra zədə alıb. Onun meydandan kənarda olduğu vaxt "Qarabağ" bərabərlik qolunu vurub. 29-cu dəqiqədə komandanın bombardiri Leandro Andrade Kamilo Duranın zərbəsindən sonra qapı dirəyindən dönən topu təkrar zərbə ilə tora göndərib.
39-cu dəqiqədə isə Azərbaycan komandası hesabda önə keçib. Rəqibin cərimə meydançasına ötürülən ötürmə zamanı müdafiəçi əllə oynayıb. Referinin təyin etdiyi penaltini Marko Yankoviç dəqiq yerinə yetirib. "Qarabağ" ilk yarını 2:1 hesabı ilə öndə tamamlayıb.
İkinci hissəyə rəqib 3 dəyişikliklə başlayıb. Onlardan Alexandro Qarnaço 53-cü dəqiqədə bərabərlik qolunu vurub.
Qalan dəqiqələr qarşılıqlı hücumlar şəraitində keçib. "Qarabağ" klublararası dünya çempionatının qalibi qarşısında hücum futbolunu davam etdirib və rəqibin həmlələri qarşısında müdafiədə etibarlı çıxışı ilə diqqət çəkib. Oyunun uzatma dəqiqəsində isə Aleksey Kaşuk real qol imkanını qaçırıb.
Beləliklə, "Qarabağ" qələbəyə bərabər heç-heçə əldə edərək, xalını 7-yə çatdırıb. "Çelsi"nin də eyni xalı var.
Bu, həm də Azərbaycan klubunun İngiltərə təmsilçiləri ilə oyunlarda ilk xalı olub.
-------------------------
Azərbaycanın UEFA Çempionlar Liqasındakı təmsilçisi “Qarabağ” bu gün Liqa mərhələsində dördüncü oyununa çıxacaq.
Sportnet.az xəbər verir ki, rəqib İngiltərənin “Çelsi” kollektivi olacaq.
Tofiq Bəhramov adına Respublika Stadionunda keçiriləcək görüş saat 21:45-də başlanacaq. Avstriyadan olan hakimlər briqadasının idarə edəcəyi qarşılaşma “CBC Sport” kanalı vasitəsilə canlı yayımlanacaq.
Hazırda hər iki komandanın aktivində 6 xal var. Daha üstün top fərqinə görə "Çelsi" 13-cü, "Qarabağ" 15-ci yerdə gedir. London təmsilçisi son 2, Ağdam komandası isə ilk 2 matçını qələbə ilə başa vurub.
Qeyd edək ki, “Qarabağ” Çempionlar Liqasında növbəti oyununu noyabrın 25-də İtaliyada “Napoli”yə qarşı keçirəcək.
UEFA Çempionlar Liqası
Liqa mərhələsi, IV tur
5 noyabr
21:45. “Qarabağ” (Azərbaycan) – “Çelsi” (İngiltərə) - 2:2
Qollar: Leandro Andrade, 29. Marko Yankoviç, 39 (pen.) - Estevan Villian, 17. Alexandro Qarnaço, 53
Baş hakim: Sebastian Gişamer
Baş hakimin köməkçiləri: Santino Skreiner, Roland Riedel
Dördüncü hakim: Valter Altmann
VAR: Manuel Şuttenqruber
AVAR: Jozef Sparni
(Hakimlər briqadası Avstriyadandır)
Tofiq Bəhramov adına Respublika Stadionu.
