"Sumqayıt" klubu daha bir futbolçu ilə müqavilənin müddətini artırıb. Sportnet.az-ın məlumatına görə, kapitan Aleksandr Çertoqanovla 1 illik anlaşma əldə olunub.
Çertoqanov ötən mövsüm olduğu kimi bu mövsümdə də 18 nömrəli formanı geyinəcək.
Qeyd edək ki, 35 yaşlı Çertoqanov 2014/2015 mövsümündə "Sumqayıt" Futbol Klubunda ən çox oyun keçirmiş 3 futbolçudan biridir. O, ümumilikdə 30 qarşılaşmada 2564 dəqiqə meydanda olub.
