Bu gün Azərbaycan Premyer Liqasının XXVI turuna yekun vurulacaq.
Sportnet.az xəbər verir ki, son oyun günündə 3 matç baş tutacaq.
İlk görüş Qubada olacaq. "İmişli" "Turan Tovuz"u sınağa çəkəcək.
Saat 15:00-da start veriləcək görüşü Rəvan Həmzəzadə idarə edəcək.
Hazırda "Turan Tovuz" 48 xalla üçüncü, "İmişli" isə 22 xalla doqquzuncu pillədədir.
Tərəflərin üz-üzə gəlmə keçmişi elə bu mövsümdən başlayır. İlk görüşdə Tovuz təmsilçisi səfərdə 1:0 hesablı qalib gəlmişdi. İkinci matçda isə imişililər səfərdən qolsuz heç-heçə ilə qayıdıblar.
Tərəflərin son görüşlərinə baxsaq, meydan sahibləri 14 matçdır ki, qələbə üzünə həsrətdir. Onlar son qələbəsini "Neftçi" üzərində alıb - 3:2. Tovuzlularda isə vəziyyət daha yaxşıdır. Qərb təmsilçisi son 5 qarşılaşmadan 3 qələbə, 1 heç-heçə və eyni sayda da məğlubiyyətlə ayrılıb.
Günün ikinci matçı Zirə İK Stadionunda olacaq. Eyniadlı komanda "Şamaxı"nı qonaq edəcək.
Start fiti 17:15-də veriləcək görüşün baş hakimi Elçin Məsiyev olacaq.
Cütün son 5 duelində qəsəbə təmsilçisinin üstünlüyü var - 4 qələbə bir məğlubiyyət. Qolların nisbəti isə "Zirə"nin xeyrinədir - 11:5.
Bakı klubunun son 5 görüşü 3 qələbə, 1 heç-heçə və 1 məğıubiyyətlə başa çatıb. "Şamaxı"da isə vəziyyət daha pisdir. Onlar 2 məğlubiyyət, 2 heç-heçə və bir qalibiyyət əldə ediblər.
Turun son qarşılaşması isə Mərdəkanda olacaq. "Araz-Naxçıvan" lider "Sabah"ı qəbul edəcək.
Saat 19:00-da "Liv Bona Dea Arena"da başlanacaq matçın ədalət təmsilçisi Fərid Hacıyev olacaq.
Tərəflərin son 5 dueli Masazır təmsilçisinin 2 qələbəsi ilə yekunlaşıb, 3-ü isə heç-heçə ilə başa çatıb. Qolların nisbəti "Sabah"ın xeyrinədir - 10:6
Bakı klubu son 5 matçında 1 heç-heçə və 4 qələbəyə imza atıb. Naxçıvan təmsilçisinin isə 3 qələbəsi və 2 məğlubiyyəti var.
Azərbaycan Premyer Liqası, XXVI tur
7 aprel (çərşənbə axşamı)
15:00. "İmişli" - "Turan Tovuz"
Hakimlər: Rəvan Həmzəzadə, Cəmil Quliyev, Şirmamed Mamedov, İslam Məmmədov.
VAR hakimi: Nicat İsmayıllı
AVAR hakimi: Müslüm Əliyev
Hakim-inspektor: Orxan Məmmədov
AFFA nümayəndəsi: Rüfət Əmirov
Quba OİK Stadionu
17:15 "Zirə" - "Şamaxı"
Hakimlər: Elçin Məsiyev, Rahil Ramazanov, Teymur Teymurov, İnqilab Məmmədov
VAR hakimi: Rauf Cabbarov
AVAR hakimi: Pərvin Talıbov
Hakim-inspektor: Munis Abdullayev
AFFA nümayəndəsi: Zaur Hacı-Məhərrəmov
Zirə OİK Stadionu
19:00 "Araz--Naxçıvan" - "Sabah"
Hakimlər: Fərid Hacıyev, Namiq Hüseynov, Rəhman İmani, Rəşad Əhmədov
VAR hakimi: Tural Qurbanov
AVAR hakimi: Zeynal Zeynalov
Hakim-inspektor: Ömər Paşayev
AFFA nümayəndəsi: Yavər Rəhimov
Qeyd edək ki, növbəti tura 10 aprel tarixində start veriləcək.
