Futzal üzrə Azərbaycan millisi bu gün Gürcüstan yığması ilə yoldaşlıq oyunu keçirib.
Sportnet.az xəbər verir ki, "Tbilisi Arena"da baş tutan matç meydan sahibi komandanın qələbəsi ilə başa çatıb - 4:2.
Fasiləyə qədər imkanlardan istifadə edə bilməyən Azərbaycan millisi qapısında 2 qol görüb. İkinci hissəyə isə əskinə, qolla başlayıb. Cərimə zərbəsindən ötürməni Nihad İsmayılov qapıdan keçirib və fərqi azaldıb. Ancaq 31-ci dəqiqədə rəqib daha bir qol vurub.
Sona 2 dəqiqə qalmış qapıçını meydan oyunçusu ilə əvəzləyən qonaq komanda Manafoun timsalında fərqi yenidən minimuma endirib. Ancaq meydan sahibləri yenidən qol vurub. Maraqlıdır ki, qoldan əvvəl hakim fitini səsləndirsə də, birinci referi qolu qeydə alıb.
Bu komandalar arasında növbəti oyun aprelin 11-də, saat 14:00-da "Tbilisi Arena"da keçiriləcək.
Yoldaşlıq görüşü
9 aprel
18:00. Gürcüstan – Azərbaycan - 4:2 (2:0)
Hakimlər: Grigol Bliadze, Sopiko Rizhamadze, Qoça Taruaşvili
Timekeeper: Aleksandre Qrdzelişvili
Qollar: Vaxtanq Jvaraşvili, 4:48, Janiko Giorgia, 5:06, İrakli Todua, 30:34, Nikoloz Kurtanidze, 38:51 - Nihad İsmayılov, 22:18, Kənan Manafov, 38:41
Sarı vərəqələr: Şota Topuria, 11:47 - Emil Həsənzadə, 20:21
"Tbilisi Arena"
