İngiltərənin "Çelsi” klubu bir müddətdir maraqlandığı "Ausburq”un futbolçusu Abdul Baba Rahman ilə razılığa gəlib.
Sportnet.az-ın məlumatına görə, klubun rəsmi internet saytında müqavilənin detalları açıqlanmayıb. Rahman verdiyi açıqlamada yeni klubunda çox xoşbəxt olduğunu bildirib.
"Dünyanın ən böyük klublarından birinə gəldim. Yeni komanda yoldaşlarım və Mourinyo ilə birlikdə işləməyə başlamaq üçün səbirsizlənirəm”. – deyə futbolçu bildirib.
Qeyd edək ki, 21 yaşlı qanalı futbolçu ötən mövsüm çıxdığı 33 oyunda 2 qol vurmuşdu.
