Bu gün FutbolPress.Az saytının fəaliyyətə başlamasının 6 ili tamam olur. Sportnet.az-ın məlumatına görə, sayt 2009-ci il noyabrın 1-dən oxucuları ilə ünsiyyətdədir.
Futbolpress.Az 2008-ci ilin 28 noyabrından dərc olunmağa başlayan "Futbol-Press" qəzetinin davamçısıdır. Qəzet fəaliyyətə qeyri-müəyyən müddətə dayandırıb, əvəzində oxucuları ilə onlayn görüşə gəlir.
Ötən 6 il barədə "FutbolPress"in yaradıcısı və baş redaktoru Elçin Cəlilovun dedikləri:
- 6 il az müddət deyil. Bu müddətdə idman mediasındakı rolumuzun nədən ibarət olduğunu hiss elətdirməyə çalışmışıq. Biz "rəhbərindən və bir noutbukdan ibarət saytlar" kateqoriyasına aid başlanğıc edənlərdənik və bunula fəxr edirik. Cəmiyyətdə, oxucular qarşısında qazandığımız inamdan sui-istifadə edib, heç vaxt manipulyasiya etməmişik. Əməkdaşımız heç vaxt futbolçudan müsahibə alanda əvəzində nəsə ummayıb. Mən bu işə qəzetlə başlamışdım, ancaq qəzet saxlamaq çox çətindir. Bizim 6 ildə qazandığımız ən böyük nemət dürüstlükdür. Jurnalistika prinsiplərinə sadiq qalmaq qədər çətin şey yoxdur. Bizimlə əməkdaşlığa başlayanları hərtərəfli yoxlayıb, mərifətinə, savadına tam əmin olandan sonra işə dəvət etmişik. Biz bəzilərindən fərqli olaraq, özümüzü tərifləmirik və xüsusi imtiyazlı saymırıq. Davam edirik... Çətinliklər olsa da, qarşıda müəyyən layihələrimiz var. "FutbolPress"in ideyaları Avropada səs salmış işlər olub. İnşallah, həmin əzəməti bərpa edib, davam edəcəyik. Sadəcə, qarışıqlıq çoxdur, məqamını gözləyirik".
Sportnet.az FutbolPress.az-ı təbrik edir, gələcək fəaliyyətində uğurlar arzulayır.
