Yeni mövsümün hazırlıqları üçün təlim-məşq toplanışını Sloveniyada davam
etdirən Zaqatalanın "Simurq” komandası ikinci yoxlama görüşünü iyulun 9-da Makedoniya
"Vardar”ına qarşı keçirəcək. Sportnet.az-ın klubun rəsmi saytına istinadən
məlumatına görə, qarşılaşmaya Bakı vaxtı ilə saat 20:00-da start veriləcək.
Qeyd edək ki, Giorgi Çixradzenin rəhbərlik etdiyi klub ilk sınaq görüşündə Sloveniyanın 1-ci dəstə təmsilçisi "Aluminiy”i 1:0 hesabı ilə məğlub edib. Azərbaycan təmsilçisinin yeganə qolunu baxışda olan çexiyalı hücumçu Lukas Tresnak vurub.
