Sloveniyanın "Domjale" klubu "Neftçi"nin futbolçusu Samir Məsimovla bağlı rəsmi təklif göndərib. Sportnet.az-ın məlumatına görə, bu barədə 21 yaşlı hücumçu öz "Facebook" səhifəsində yazıb. O, hətta komandasına ünvanlanmış rəsmi dəvəti də nümayiş etdirib. "Domjale"nin idman direktoru Matey Orajem tərəfindən göndərilmiş sənəddə Məsimovla müqavilə bağlanılmasının mümkünlüyünün müzakirəsi istənilib.
Qeyd edək ki, "Domjale" hazırda Sloveniya çempionatında 22 turdan sonra 38 xalla 3-cü pillədə qərarlaşıb. Samir Məsimov qıış fasiləsindən sonra "Neftçi"nin "Sumqayıt"la XIX tur matçında iştirak ərizəsində yer almayıb.
