"Ağır oyun oldu. Xüsusilə birinci hissədə çox çətinlik çəkdik". Sportnet.az-ın məlumatına görə, bunu Azərbaycanın futzal üzrə milli komandasının baş məşqçisi Faustino Perez Çexiyanı 6:5 hesabı ilə yendikləri Avropa çempionatı matçından sonra deyib.
İspaniyalı mütəxəssis hesabda heç vaxt geri düşməmələrini müsbət məqam kimi dəyərləndirib: "Hesabda öndə olan tərəf biz idik. Yəni hesabı bərabərləşdirmək barədə biz yox, rəqib komanda düşünməli olurdu. Düşünürəm ki, ilk oyunla müqayisədə daha yaxşı oynadıq. Rəqibimizdən çox qol vurmağı bacardıq və qələbə qazandıq”.
