Azərbaycan Kubokunun ilk yarımfinalçısı müəyyənləşib. Sportnet.az-ın məlumatına görə, bu Bakının "İnter" klubudur.
"Bayıl Arena"da keçirilmiş ilk görüşdə 1:2 hesabı ilə məğlub olan "bankirlər" cavab görüşündə rəqib qapısından 3 cavabsız top keçirib.
Bununla da Zaur Svanadzenin komandası adını növbəti mərhələyə yazdırıb. Paytaxt təmsilçisinin yarımfinaldakı rəqibi "Sumqayıt" və "Qarabağ" komandalarının qalibi olacaq.
Qeyd edək ki, yarımfinal görüşləri aprelin 27-də keçiriləcək. Cavab görüşləri isə 1 həftə sonra baş tutacaq.
