Azərbaycan Premyer Liqasının XXX turunda Gəncədə "İnter"i qəbul edəcək "Kəpəz" dünəndən qarşıdakı oyunun hazırlığına başlayıb. Sportnet.az-ın məlumatına görə, Şahi Diniyevin rəhbərlik etdiyi komanda Bakıda məşq edir.
"Sarı-göylər" aprelin 15-də Nizami yurduna gələcək. Komanda həmin gün matçın keçiriləcəyi şəhər stadionunda oyun öncəsi son məşqinə çıxacaq.
Qeyd edək ki, aprelin 16-da keçiriləcək "Kəpəz" – "İnter" görüşü saat 13:30-da başlayacaq. Oyun "CBC Sport" kanalı vasitəsi ilə canlı yayımlanacaq.
