"Mançester Siti"nin argentinalı futbolçusu Serxio Aquero İngiltərə Premyer Liqasında 100-cü qoluna imza atıb. Sportnet.az-ın məlumatına görə, 27 yaşlı legioner buna "Nyukasl"la 27-ci turdan təxirə salınan matçın 15-ci dəqiqəsində nail olub.
Aquero bu yubiley qoluna imza atmaq üçün 147 oyun keçirməli olub. Ondan ən tez matçda 100 qolu yalnız əfsanəvi Alan Şirer imza ata bilib - 124 oyun. Tale elə gətirdi ki, Serxio bu əlamətdar qolu Şirerin uzun illər oynadığı, sonra isə baş məşqçisi olduğu "Nyukasl"a vurdu. Ancaq bu qol qələbə üçün yetərli olmayıb - 1:1.
Qeyd edək ki, Aquero 2011-ci ildən hazırkı klubunun heyətində İngiltərə Premyer Liqasının iştirakıçısıdır. O, bu 5 ildə 2 dəfə - 2011/12 və 2013/14 mövsümlərində çempion olub. Serixo əfsanəvi argentinalı futbolçu Dieqo Maradonanın kürəkənidir.
