Qazaxıstanın "Okjetpes" komandasında çıxış edən "Neftçi"nin sabiq qapıçısı Saşa Stamenkoviç 406 dəqiqədir qapısından top buraxmır. Sportnet.az-ın "sports.kz"yə istinadən məlumatına görə, serbiyalı qolkiper yalnız aprelin 3-də III turun "Taraz"la görüşündə məyus olub.
Stamenkoviç qapısını toxunulmaz saxlayan həmkarlarından ən yaxın izləyicisi Jasur Narzikulovu ("Atırau") 195 dəqiqə üstələyir. Rekord isə "Kayrat"ın qapıçısı Sergey Boyçenkoya məxsusdur. Boyçenko 2005-2006 mövsümündə 921 dəqiqə ərzində top buraxmayıb.
