"Barselona"nın uruqvaylı futbolçusu Luis Suares İspaniya Primerosunda ardıcıl 2-ci turdur poker edir. Sportnet.az-ın məlumatına görə, hücumçu "Deportivo"dan (8:0) sonra "Sportinq"in (6:0) qapısına 4 qol vurub. Bununla da Suares Primero tarixində ardıcıl 2 oyun poker edən ilk futboçu olub.
Suares "Barselona"nın tarixində bir mövsümdə bütün turnirlərdə 50-dən çox qol vuran yalnız 2-ci futbolçu olub. Təbii ki, ilk futbolçu Lionel Messidir. Özü də argentinalı hücumçu 4 dəfə buna nail olub. Suaresin hesabında 53 qol var. Liderliyə yüksələn Luis bombardilər siyahıslnda "Real Madrid"in portuqaliyalı hücumçusu Kriştianu Ronaldunu 3 qol qabaqlayır.
Rpnaldu da Messi kimi bir mövsümdə bütün turnirlərdə 50-dən çox qol vurub. 30-cı illərdə "Ovyedo"nun heyətində parlamış İsidro Lanqara da bir mövsümdə 50 dəfə fərqlənməyə müvəffəq olub.
