Türkiyə futbolunda növbəti qalmaqal baş verib. Sportnet.az-ın məlumatına görə, bu ölkənin birinci liqasında "Karabükspor” – "Elazığspor” (2:2) oyunu bitən kimi meydana daxil olan yerli azarkeşlər hakim Tolqa Özkalfaya hücum edib. O, əlindəki əşyanı referiyə atıb. Bunun ardınca isə qonaqların futbolçusu Tom həmin azarkeşə tullanaraq ona təpik zərbəsi vurub.
Xatırladaq ki, ötən həftə "Trabzonspor" - "Fənərbaxça" matmında meydana daxil olan azarkeş qapının yanında dayanan hakimə zərbə vurmuşdu.
