AFFA 2020-ci ildə keçiriləcək Avropa çempionatına Bakının ev sahibliyi etməsi üçün sifariş ərizəsini aprelin 23-də UEFA-ya təqdim edib. Sportnet.az-ın məlumatına görə, bunu jurnalistlərə federasiyanın baş katibi Elxan Məmmədov bildirib.
Məmmədov sentyabrın 19-da keçiriləcək UEFA İcraiyyə Komitəsinin iclasında 19 namizəd şəhərdən yalnız 13-nün AVRO-2020-yə ev sahibliyi etmək üçün seçiləcəyini söyləyib:
"Bakı 13 ölkədən biri olsa, o deməkdir ki, paytaxtımız dünyanın nəhəng şəhərləri sırasında olacaq. Ümid edirik ki, qalib gələ biləcəyik. Digər tərəfdən də bizim bölgəyə ən yaxın olan şəhər Sankt-Peterburqdur. Bölgəni yalnız Bakının təmsil etməsi bizim üçün fəxrdir. Üstəlik Gürcüstan və Türkiyə də bu məsələdə bizə dəstək verir".
