İsveç milli komandasının lideri Zlatan İbrahimoviç karyerası ilə bağlı növbəti mühüm qərar qəbul edib. Sportnet.az-ın məlumatına görə, 35 yaşlı hücumçu AVRO-2016-dan sonra yığmadan gedəcəyini bəyan edib.
Bununla İbrahimoviç qısa müdətdə iki ayrılığa imza atır. Belə ki, o, son illərdə şərəfini qoruduğu Fransanın PSJ klubunu tərk edib. Futbolçunun növbəti klubunun "Mançester Yunayted" olacağı gözlənilir.
İsveş yığması qrupda son oyununu sabah Belçika ilə keçirəcək. Skandinavlar 1/8 finala çıxa bilməsələr, məhz bu matç İbrahimoviçin millidə son görüşü olacaq.
Qeyd edək ki, İbrahimoviç 15 ildir şərəfini qoruduğu yığmada 115 oyunda 62 qol vurub. Ucaboylu hücumçu ilk qolunu 2001-ci ilin oktyabrın 7-də Azərbaycan millisinə evdə 3:0 hesabı ilə qalib gəldikləri rəsmi oyunda vurub.
