İtaliyanın "Milan" klubu yeni baş məşqçisini rəsmən açıqlayıb. Spornet.az-ın məlumatına görə, klubun rəsmi saytı həmin mütəxəssisin Vinçentso Motella olduğunu xəbər verib.
42 yaşlı italiyalı çalışdırıcı bu postda həmyerlisi Kristian Brokkini əvəzləyib.
Montella ilə 2 illik müqavilə imzalanıb. Ancaq anlaşmanın maddi tərəfi açıqlanmır.
Xatırladaq ki, Montella bunadək "Sampdoriya", "Fiorentina", "Katanya" və "Roma" klubunu çalışdırıb. "Milan" ötən çempionatda 7-ci pilləni tutub.
