Avropa Liqasının birinci təsnifat məhələsində "Qəbələ"nin Gürcüstan "Samtredia"yasına (5:1), "Neftçi"nin isə Malta "Baltsanına qalib gəlməsi (2:0) Azərbaycanın UEFA reytinqindəki yerini dəyişməyib. Sportnet.az-ın məlumatına görə, bu oyuna kimi 13.625 xalla 24-cü pillədə olan ölkəmizin aktivinə daha 0.500 yazılıb.
Azərbaycanın reytinq əmsalı hazırda 14.125-ə bərabərdir. Ən yaxın qonşumuz Şotlandiyanın da hər iki təmsilçisi qalib gəldiyindən aradakı xal fərqini azaltmaq mümkün olmayıb. Onların aktivi 15.050-ə yüksəlib. Azərbaycanın ən yaxın izləyicisi Kipr isə təmsilçiləri xal itirmədiyindən məsafəni qorumuş olub.
