"Komanda Maltadan gələndən məşq edir. Oyun vaxtını gözləyirik. İnanıram ki yaxşı nəticə göstərəcəyik". Sportnet.az-ın məlumatına görə, bu fikirləri "Neftçi"nin baş məşqçisi Vəli Qasımov bu gün keçirdiyi mətbuat konfransında bildirib. Avropa Liqasının I təsnifat mərhələsi çərçivəsində Maltanın "Baltsan" klubu ilə "Bakcell Arena"dakı cavab matçı öncəsi jurnalistlərin qarşısına çıxan çalışdırıcı ilk oyunda qazandıqları 2:0 hesablı qələbəni arxayınlaşmağa əass görmür: "Hələ Malta klubunu keçməmişik. Amma növbəti mərhələdəki rəqiblərə gəlincə, normal komandalardır. Makedoniya komandası güclüdür. Avroliqa çətindir. Nə qədər bacarsaq, qabağa gedəcəyik. Rəqibdə də oynayan futbolçular var".
Qasımov müqvailısi bitən braziliyalı müdafiəçi Aylton Silvayla danışıqların davam etdiyini bildirib: "Bu məsələ ilə bağlı konkret nəsə demək çətindir. Onun qayıdıb-qayıtmayacağını deyə bilmərəm. Bir hücumçumuz var. O da Ruslan Qurbanovdur. Hələ istədiyimiz hücumçunu tapa bilmirik".
