Bu gün Avropa Liqasında I təsnifat mərhələsinin növbəti cavab oyunu keçirilib. Sportnet.az-ın məlumatına görə, günün yeganə matçı Estoniyanın paytaxtı Tallində olub. "İnfonet" təcrübəli rəqibi "Harts"ı qəbul edib.
"Neftçi"nin sabiq eston legionerləri - müdafiəçi Dmitri Kruqlovla hücumçu Vladimir Voskoboynikovun oynadığı Estoniya klubu rəqibinə öz meydanında da məğlub olub. Premyer Liqamızın sabiq iştirakçıları bu matçda fərqləniblər. Belə ki, Kruqlovun məhsuldar ötürməsindən sonra Voskoboynikov qol vurub. Bu, matçda son nöqtə olub və "İnfonet" mübarizəni dayandırıb.
Avropa Liqası, I təsnifat mərhələsi
Cavab oyunu
6 iyul
19:45. "İnfonet" (Estoniya) - "Harts" (Şotlandiya) - 2:4
Qollar: Yevgeni Harin, 51, Vladimir Voskoboynikov, 63 - Kallum Paterson, 2, İqor Rossi, 9, 52, Alim Öztürk, 45,
İlk oyun - 1:2
