Moldovada "Daçiya" ilə "Kəpəz" arasında keçirilən Avropa Liqasının I təsnifat mərhələsinin cavab görüşündə insident baş verib. Sportnet.az-ın məlumatına görə, 79-cu dəqiqədə meydan sahiblərinin hücumundan sonra qonaq komandanın oyunçusu Renan Da Silvaya dəyən top meydandan kənara çıxıb.
Lakin komandanın meneceri Adlan Şişxanov penalti tələb edərək, meydana girib. O, etirazını yan xətt hakiminə kəskin formada bildirib. Lakin baş hakim Laşa Silaqava onu texniki zonadan kənarlaşdırmayıb.
Qeyd edək ki, hazırda "Kəpəz" öndədir - 1:0.
