"Kəpəz"in Avropa Liqasında uğurlu startı qardaş Türkiyədə diqqətdən kənarda qalmayıb. Sportnet.az-ın məlumatına görə, "Ərzurumspor" klubunun "Ərzurumsporlular" adlanan fan-klubunun rəhbəri Gökhan Sanay Gəncə təmsilçisini təbrik edib.
Onun təbriki həm "Kəpəz"ə, həm də Azərbaycana olub: "Azərbaycanın Gəncə şəhərini təmsil edən "Kəpəz" Futbol Klubu Avropa Liqasının I təsnifat mərhələsində Moldova "Daçiya"sını məğlub edərək (0:0, 1:0) II təsnifat mərhələsinə yüksəldi. Bu münasibətlə qardaş ölkə komandasını "Ərzurumspor" tərəfdarları təbrik edir, ikinci təsnifat mərhələsində uğurlar diləyir".
Xatırladaq ki, "Kəpəz" Avropa Liqasına hazırlıq məqsədilə Türkiyənin Ərzurum şəhərində 10 gün təlim-məşq toplanışında olub.
