Azərbaycan Avropa Liqa təmsilçilərindən "Kəpəz"lə "Qəbələ" bu gün ölkəni tərk ediblər. Sportnet.az-ın məlumatına görə, əyalət təmsilçiləri Avropa Liqasnın II təsnifat mərhələsində səfər matçlarını keçirmək birgə yola düşüblər.
Bakıdan çarter reysi ilə yollanan təyyarə Avsriya paytaxtı Vyanada yerə enəcək. "Kəpəz" oradan rəqibi "Admira Vakker"in təmsil etdiyi Mödlinq, "Qəbələ" isə MTK ilə üz-üzə gələcəyi Macarıstanın Dyor şəhərinə yollanacaq. Millimizin məşqçiləri Elxan Abdullayevlə Mahmud Qurbanov da klublarla birgə səfərə çıxıblar. Qurbanov "Kəpəz"in, Abdullayev "Qəbələ"nin matçını izləyəcək.
Klublarımız iyulun 14-də oyunlarını keçirəndən sonra Vətənə birgə qayıdacaqlar.
