FİFA dünya yığmalarının növbəti reytinq siyahısını dərc edib. Sportnet.az-ın məlumatına görə, Azərbaycan milli komandası ötən ayla müqayisədə 1 pillə irəliləyib.
Hazırda 253 xala malik millimiz 137-ci pillədə qərarlaşıb. Yığmamızın 2018-ci il dünya çempinatının seçmə mərhələsində rəqiblərindən olan Almaniya (1319 xal) 4-cü pillədə mövqeyini qoruyub. Şimali İrlandiya (822 xal) 3 pillə geriləyərək 28-ci yerdə qərarlaşıb. Üç pillə geriləyən Çexiya (768 xal) 33-cü yerə enib. Norveç (588 xal) 2 pillə irəliləyərək 49-cu yerə qalxıb. San-Marino (20 xal) isə 200-cü pillədə qalıb.
Reytqind ilk üçlüyü dəyişməz qalıb - Argentina (1585 xal), Belçika (1401), Kolumbiya (1331). Avropa çempionu olan Portuqaliya (1266) 2 pillə irəliləyərək 6-cı yerə qalxıb. Türkiyə yığması (915)1 pillə geriləyərək 19-cu yerə düşüb.
Növbəti reytinq siyahısı avqustun 11-də açıqlanacaq.
