UEFA Avropa Liqasının II mərhələsinin "Admira” ilə ilk oyunu ilə bağlı səfər hazırlığı səbəbindən "Kəpəz”in baş məşqçisi Şahin Diniyevin doğum günü Avstriyada qeyd olunub. Sportnet.az-ın məlumatına görə, 50 yaşını tamamlayan mütəxəssisin şərəfinə komandanın qaldığı oteldə tort kəsilib.
"Kəpəz"in Müşahidə Şurasının üzvü Mikayıl Mərimanoğlu klubun rəhbərliyi adından Diniyevi 50 illik yubileyi münasibəti ilə təbrik edib, ona gələcək işlərində uğurlar arzulayıb. Təbriklərə və diqqətə görə minnətdarlığını bildirən baş məşqçi komandasının mərhələ adlamasını özünə ən böyük hədiyyə saydığını bildirib.
Diniyevin 50 illik yubileyi "sarı-göylər”in Avstriyada məskunlaşdığı "Lengbachhof” otelinin diqqətindən də yayınmayıb. Mütəxəssisə doğum günü hədiyyəsi təqdim olunub.
