Çempionlar Liqasının II təsnifat mərhələsində "F91 Düdelanj”ın qonağı olacaq "Qarabağ” bu gün Lüksemburqa yola düşür. Sportnet.az-ın məlumatına görə, Ağdam komandası bu gün saat 18:00-da Bakı - Lüksemburq reysi ilə ölkəni tərk edəcək.
Təxminən 5 saatlıq uçuşdan sonra komandamızın Lüksemburqa çatacağı gözlənilir.
Qeyd edək ki, iyulun 20-də keçiriləcək "F91 Düdelanj” – "Qarabağ” oyunu Bakı vaxtı ilə saat 20:00-da başlayacaq.
