"Kəpəz"lə Avstriya "Admira"sı arasındakı Avropa Liqasının II təsnifat mərhələsinin cavab oyununun məkanı ilə bağlı yanlışlığa yol verilib. Sportnet.az-ın məlumatına görə, "Admira"nın rəsmi saytı qarşılaşmanın Gəncə şəhər stadionunda keçiriləcəyini yazıb.
"Cavab görüşü öncəsi son informasiya" adlı xəbərdə komandanın yaxşı formada olduğu bildirilir. Oyunun başlama saatı isə dəqiq göstərilib.
Qeyd edək ki, "Kəpəz" - "Admira" görüşü Gəncə şəhər stadionunda deyil, Bakının Mərdəkan qəsəbəsindəki "Dalğa Arena"da keçiriləcək. Oyun saat 20:00-da başlanacaq. İlk qarşılaşmada "Admira" qalib gəlib - 1:0.
