Avstriya "Admira"sı ilə Bakıda keçirəcəyi Avropa Liqasının II təsnifat mərhələsinin cavab görüşündə "Kəpəz"i dəstəkləməyə 300-dək gəncəli azarkeş gələcək. Bu barədə Sportnet.az-a "Kəpəz" müstəqil fan-klubunun rəhbəri Elmir Əliyev məlumat verib.
Onun sözlərinə görə, oyuna şəxsi maşınları ilə gələnlər də olacaq. Fan-klub rəhbəri Bakıya səfərin "Kəpəz"in Müşahidə Şurasının sədri Elmir Vəliyev və Gəncə şəhər icra hakimiyyətinin dəstəyi ilə baş tutacağını bildirib. O, rəhbərlik tərəfindən forma, şarf və digər geyim ləvazimatları ilə təmin olunduqlarını vurğulayıb.
Qeyd edək ki, Bakının Mərdəkan qəsəbəsindəki "Dalğa Arena"da keçiriləcək "Kəpəz" - "Admira" matçı saat 20:00-da başlanacaq.
