"Neftçi"nin Müşahidə Şurasının üzvü Səməd Qurbanov Avropa Liqasının I təsnifat mərhələsində Maltanın "Baltsan" klubunu keçməyin müqabilində nəzərdə tutulan mükafatın verilməməsi ilə bağlı mətbuatda yayılan məlumata münasibətini bildirib. Veteran futbolçu Sportnet.az-ın Skopyeyə ezam olunmuş açıqlamasında belə bir şeydən xəbərdar olmadığını bildirib.
Qurbanov bunu klubda maliyyə işlərinə qarışmaması ilə əlaqələndirib: "Mükafatı Müşahidə Şurası müəyyənləşdirir. Ola bilsin ki, 5-10 gün sonra olsun. Ancaq mükafat deyilibsə, mütləq veriləcək. Başqa söhbət ola bilməz".
Xatırladaq ki, "Neftçi" "Baltsan"ı keçsə də, evdə çox zəif oynayaraq 1:2 hesabı ilə uduzub. Bundan narazı olan rəhbərliyin mükafatı ya birdəfəlik kəsəcəyi, ya da ən yaxşı halda III təsnifat mərhələsində Makedoniyanın "Şkendiya" klubuna keçəcəyi halda veriləcəyi haqda söz-söhbətlər gəzir. "Neftçi" bu mərhələdə ilk matçını evdə keçirərək qolsuz bərabərlik edib.
