"Qəbələ"ni ciddi rəqib qəbul etmək lazımdır". Sportnet.az-ın məlumatına görə, bu sözləri Fransa "Lill"inin futbolçusu Erik Boatek klubunun rəsmi saytına bildirib. Avropa Liqasında mübarizədə ilk rəqibləri olan "Qəbələ"ni dəyərləndirən yarımmüdafiəçi onları çətin sınaq gözlədiyini söyləyib.
Bauteakın fikrincə, "Qəbələ" aqressiv oyun göstərən komandadır: "Pley-off mərhələsinə keçmək üçün hər iki matçda yaxşı oyun göstərməliyik. Biz bu istiqamətdə işləyirik. Son yoxlama oyunda qələbə qazanmağımız rəsmi matçın startı öncəsi bizə özünəinam verib. Növbəti həftədən başlayaraq təsnifat mərhələsi oyunlarının çətinliyi ilə qarşılaşacağıq. Buna görə güclü olmalıyıq".
Xatırladaq ki, "Lill" son yoxlama matçında Belçikanın "Beveren" klubunu Boatekin vurduğu qolla 1:0 hesabı ilə məğlub edib.
