Peşəkar Futbol Liqasının (PFL) nümayəndələri Gəncəyə səfər edəcəklər. Sportnet.az-ın məlumatına görə, PFL prezidenti Ramin Musayev əməkdaşlarının Gəncə şəhər stadionuna baxış keçiriləcəklərini bildirib.
Onun sözlərinə görə, Premyer Liqa oyunlarını qəbul edəcək 8 stadionun hamısına baxış keçiriləcək: "Sabahdan nümayəndələrimiz hər bir stadionun nəzərdən keçirilməsinə başlayacaqlar. Arenalarda jurnalistlərin normal fəaliyyət göstərməsi üçün hər cür şərait yaradılmalıdır. Hansı stadionda şərait olmasa, texniki avadanlıqların təchizində hər hansı problem yaşansa, həmin klubun rəhbərliyi cərimə olunacaq. Bu il çempionatda istifadə olunacaq rəsmi topları da sifariş etmişik. Toplar ucuz və keyfiyyətli olacaq. Çalışağıq ki, oyunlar həftəsonları keçirilsin".
