Azərbaycanlı futbolçu Ramil Şeydayevi transfer edən "Trabzonspor" klubu daha bir hücumçunu hədəfə alıb. Sportnet.az-ın məlumatına görə, Türkiyə Super Liqa təmsilçisi "Portu"nun cənubi koreyalı legioneri Hyun-Jun Sukun keçidi ilə bağlı danışıqlara başladığını rəsmən açıqlayıb.
Bu, həm Portuqaliya klubu, həm də hücumçunun özü ilə aparılır. "Portu" bu legioneri növbəti mövsüm üçün heyətində görməkdə maraqlı olmadığından transferin baş tutacağı real görünür.
Hyun-Juk Suk bu ilin yanvarında 1,5 milyon avroya "Vitoriya Setubal"dan alınıb. O, keçən mövsüm meydana çıxdığı 34 oyunda 13 qol vurub, 9 məhsuldar ötürmə edib.
