Avropa Liqasının III təsnifat mərhələsində "Qəbələ"nin rəqibi olan Fransanın "Lill" klubunun prezidenti Miçel Seydu komandanın üzvü Sofyan Bufalın gələcək taleyi ilə bağlı danışıb. Sportnet.az-ın məlumatına görə, funksioner 22 yaşlı yarımmüdafiəçinin "Lill"ə lazım olduğunu bildirib.
O, Mərakeş yığmasının üzvünün yaxşı çıxış etdiyini deyib: "Futbolda köhnə itlərdənəm. Transfer dövründə hər şey baş verə bilər. Bufal yaxşı çıxış edir. Düşünürəm ki, o komandada qalmalıdır".
Qeyd edək ki, Bufal ötən ilin yanvarından "Lill"də çıxış edir və klubla 4.5 illik müqavilə imzalayıb. Futbolçu bir neçə İngiltərə və İtaliya klublarının diqqət mərkəzindədir.
