"Qəbələ"nin baş məşqçisi Roman Qriqorçuk idman jurnalistlərinə qonaqlıq verəcək. Sportnet.az-ın məlumatına görə, bu barədə ukraynalı mütəxəssis Fransa "Lill"i üzərində qələbə qazanaraq, "pley-off"a yüksəldikləri Avropa Liqasının III təsnifat mərhələsinin cavab görüşündən sonra bildirib.
51 yaşlı mütəxəssis oyundan əvvəl verdiyi sözə əməl edərək, jurnalistləri bu gün saat 17:00-da Bakıdakı "Jumeirah" otelinə dəvət edib: "Orada futbol oynaya, gəzə bilərik, sonra isə restorana gedib yemək yeyərik".
Qeyd edək ki, "Qəbələ" səfərdə 1:1 hesablı heç-heçə etdiyi "Lill"ə evdə qalib gəlib - 1:0.
