"Qəbələ"nin Avropa Liqasının pley-off mərhələsindəki rəqibi Sloveniya "Maribor"u ölkə çempionatında növbəti oyununu keçirib. Sportnet.az-ın məlumatına görə, Maribor təmsilçisi səfərdə "Qoritsa" ilə qarşılaşıb.
Matç qonaqların 1:2 hesablı məğlubiyyəti ilə nəticələnib. Hesabı 42-ci dəqiqədə "Maribor"un müdafiəçisi Marko Suler avtoqolla açıb. Qonaqlar 56-cı dəqiqədə Qreqor Bajde ilə hesabı bərabərləşdirib. Meydan sahibləri 67-ci dəqiqədə Miran Burqiçlə qələbə topunu vurub.
Bu qələbə sayəsində xalarını 9-a yüksəldən "Qoritsa "Maribor"u keçib və 4-cü pilləyə yüksəlib. "Qəbələ"nin rəqibi 8 xalla turnir cədvəlində 5-ci pillədə qərarlaşıb və lider, azərbaycanlı futbolçu Samir Məsimovun şərəfini qoruduğu "Domjale"dən 3 xal geri qalır.
Xatırladaq ki, "Qəbələ" ilə "Maribor" arasında ilk oyun avqustun 18-də Bakıda keçiriləcək.
