Avropa Liqasının pley-off mərhələsi çərçivəsində İsveç "Göteborq”u ilə "Qarabağ” komandası arasında keçiriləcək matçların yayımı CBC Sport telekanalında baş tutmayacaq. Sportnet.az xəbər verir ki, bu barədə telekanalın yaydığı bəyanatda bildirilir.
Rəsmi açıqlamada deyilir ki, səbəb "Qarabağ” Futbol Klubuna 10 gün əvvəl edilən təklifə bu günədək qarşı tərəfdən heç bir cavabın gəlməməsidir: "Klubun bu qərarına hörmət duyaraq, bütün tamaşaçılarımızdan üzr istəyir və komandamıza qarşıdakı oyunlarda uğurlar arzulayırıq! CBC Sport telekanalı yarandığı gündən beynəlxalq yarışlarda Azərbaycanı təmsil edən bütün komandaların və idmançıların çıxışlarını təmənnasız işıqlandırmağa hər zaman hazırdır və bu işini gələcəkdə də davam etdirəcək".
Qeyd edək ki, iki komanda arasındakı ilk görüş avqustun 18-də Qotenburqda, cavab görüşü avqustun 25-də Bakıda keçiriləcək.
