"Qəbələ"nin estoniyalı hücumçusu Sergey Zenyov fransalı komanda yoldaşı Baqali Daboya çatıb. Sportnet.az-ın məlumatına görə, hər iki ön xətt oyunçusu Avropa Liqasında cari mövsümdə 3 məhsuldar ötürmə edib.
Bununla da legionerlərimiz bu göstəricidə UEFA-nın "Top-10"unda yer alıblar. Ən məhsuldar ötürmədə lider isə Danimarkanın "Brondbü" klubunun yarımmüdafiəçisi Endryi Hulsagerdir - 5.
Zenyov pley-off mərhələsində Sloveniyanın "Maribor" klubu ilə "Dalğa Arena"dakı matçda hesabı açqdıdan sonra Dabonun fərqlənməsinə imkan yaradıb. Bununla da fransalı hücumçu "qırmızl-qaralar"da avrokuboklarda qol hesabını açıb. O, 2 dəqiqə sonra isə dubla imza atıb və 3:1 hesablı qələbədə son nöqtəni qoyub.
Zenyov ilk məhsuldar ötürməni I təsnifat mərhələsində Gürcüstanın "Samtredia" klubu ilə oyunlarda edib. Dabo isə II təsnifat mərhələsində fərqlənib. O, Macarıstanın MTK ilə səfər matçında 1, ev oyununda 2 məhsuldar ötürməyə imza atıb. Maraqlıdır ki, "Qəbələ"nin "Bakcell Arena"da 2:0 hesabı ilə qalib gəldiyi həmin matçda qollardan birini məhz Zenyov vurub. Göründüyü kimi, Zenyov fransalı həmkarına borcunu qaytarıb.
Sergey cari mövsümdə qol sayında Baqalidən öndədir. Çünki o, artıq 3, ümumilikdə "Qəbələ"də avrokuboklarda 5 dəfə fərqlənib. Zenyov bu turnirdə MTK ilə "Maribor"la yanaşı, "Samtredia"ya qol vurub və hamısı ev oyunları olub. Fərq stadionlarda - 2-nin "Bakcell Arena"na, 1-nin "Dalğa Arena"da olmasıdır.
Dabo digər statisktik göstəriciyə görə də "Top-10"dadır. Bu, 9 dəfə ofsayda düşməsidir. O, yalnız lider, 10 dəfə oyundankənar vəziyyətə düşən israilli hücumçu Eyter Şeçterdən ("Beytar") geri qalır.
"Qəbələ"nin cari avrokoboklarda bombardiri Teo Uiks də liderlər qrupundadır. Hesabında 5 qol olan liberiyalı yarımmüdafiəçi hərəyə 6 dəfə fərqlənməklə üçhakimiyyətlik yaradan Teemu Pukki ("Bröndbü"), Mirko Mariç ("Lokomotiv", Zaqreb) və İvan Triçkovskidən (AEK, Larnaka) sonra 4-cü pillədə qərarlaşıb.
Xatırladaq ki, Zenyov da "Qəbələ"nin tarixində avrokuboklarda 5 qol vursa da, bunu 2 mövsümə edib.
