2016-cı il Rio-de-Janeyro Yay Olimpiya Oyunları çərçivəsində Braziliya və Almaniyanın kişi futbolçularından ibarət yığmaları finalda üz-üzə gəlib. Sportnet.az-ın məlumatına görə, "Marakana" stadionunda keçirilmiş həlledici qarşılaşmanın əsas vaxtında qalib müəyyənləşməyib - 1:1.
26-cı dəqiqədə Neymar Braziliyanı hesabda irəli çıxarıb. Lakin 59-cu dəqiqədə Mayer Maksimilian bərabərlik qolunu vurub. Bu hesab əlavə vaxtda da dəyişilməyib. Penaltilər seriyasında isə Braziliya Almaniyanı üstələyib - 5:4.
Bununla da Braziliyanın kişi futbolçulardan ibarət yığması ilk dəfə olimpiya çempionu olub.
