Bu gün Çempionlar Liqasının (ÇL) pley-off mərhələsinin cavab görüşləri keçirilib. Sportnet.az-ın məlumatına görə, ilk oyun günündə 5 qarşılaşma baş tutub.
"Qarabağ"ı ÇL-də mübarizədən kənarda qoyan Çexiyanın "Viktoriya" klubu da qrupa düşə bilməyib. Plzen təmsilçisi Bolqarıstanda "Ludoqorets"dən aldığı 0:2 hesablı məğlubiyyətin əvəzini evdə çıxa bilməyib. Çexiyadakı matçda qalib müəyyənləşməyib. Plzenlilər təsəlli qələbəsini də son saniyələrdə buraxdığı qolla əldən veriblər.
Günün sensasiyası "Roma"nın evdə "Portu"ya böyükhesabla uduzaraq qrupdan kənarda qalması olub. İtalyanların 2 futbolçusunun, xüsusilə kapitanı Daniele De Rossinin qırmızı vərəqə alması, meydanda 9 nəfərlə qalması nəticəyə böyük təsir göstərib.
"Hapoel"in "Seltik"i mübarizədən kənarda qoymasına 1 qol yetməyib. "Legiya" "Dandolk"la cavab matçında da uduzmayıb və səfər qələbəsi sayəsində qrupa düşüb. "Monako" isə "Vilyarreal"a evdə də qalib gəlib.
Çempionlar Liqası, cavab oyunları
22:45. "Roma" (İtaliya) - "Portu" (Portuqaliya) - 0:3
Qollar: Felipe, 8, Migel Layun, 73, Jezus Manuel Korona, 75
Qırmızı vərəqələr: Daniele De Rossi, 39, Emerson, 50 (hər ikisi birbaşa)
Qırmızı vərəqələr: Daniele De Rossi, 39, Emerson, 50 (hər ikisi birbaşa)
İlk oyun - 1:1
22:45. "Hapoel" (Beer Şeva, İsrail) - "Seltik" (Şotlandiya) - 2:0
Qollar: Ben Sahar, 21, Ovidiu Hoban, 48
15-ci dəqiqədə Mahran Radi ("Hapoel") penati zərbəsindən dəqiq istifadə edə bilməyib.
İlk oyun - 2:5
22:45. "Legiya" (Polşa) - "Dandolk" (İrlandiya) - 1:1
Qollar: Mihal Kuharçik, 90+2 - Robbi Benson, 19
Qırmızı vərəqə: Adam Hlouşek, 67 (ikinci sarı)
İlk oyun - 2:0
22:45. "Monako" (Fransa) - "Vilyarreal" (İspaniya) - 1:0
Qol: Fabinyo, 90+1-pen
İlk oyun - 1:1
22:45. "Viktoriya" (Çexiya) - "Ludoqorets" (Bolqarıstan) - 2:2
Qollar: Mihal Düriş, 7, Ales Mateju, 64 - Vura, 17, Kladiu Keseru, 90+5
İlk oyun - 0:2
Qeyd edək ki, pley-off mərhələsinə avqustun 24-də keçiriləcək 5 oyunla yekun vurulacaq.
