"Oyunun ilk hissəsində yaxşı oynamadıq. Ancaq ikinci 45 dəqiqəni çox yaxşı keçirdik. Bir neçə qol imkanı yaratdıq. Ancaq təəssüf ki, bunları reallaşdıra bilmədik".
Sportnet.az xəbər verir ki, bunu "İnter"in baş məşqçisi Zaur Svanadze Azərbaycan Premyer Liqasının IX turunda "Kəpəz"lə səfərdə qolsuz bərabərliklə nəticələnən matçdan sonra mətbuat konfransında deyib.
Onun sözlərinə görə, oyunda qələbəyə daha layiq olublar: "Yaratdığımız qol imkanlarından heç olmasa, birini reallaşdırsaydıq, buradan 3 xalla qayıdardıq. Gəncədəki hava şəraiti və digər çətinliklərə baxmayaraq, oyunumuzdan razı qaldım. Ümumilikdə götürsək, matçda 3 xal qazanmağa layiq idik. Ancaq qazandığımız 1 xala da razıyıq".
