Bu gün Azərbaycan Premyer Liqasının IX turunda "Sumqayıt" öz meydanında "Qəbələ"ni qəbul edib. Sportnet.az-ın məlumatına görə, oyun Sumqayıtdakı "Kapital Bank Arena"da keçirilib.
Qarşılaşmaya meydan sahibləri daha aktiv başlayıb. Komandaların qarşılıqlı hücumlarına baxmayaraq ilk hissədə qapılara top vurulmayıb.
İkinci hissədə "Sumqayıt" istəyinə çatıb. Hissənin ilk dəqiqəsində Yusif Nəbiyev hesabı açıb. Oyunun 64-cü dəqiqəsində Rəşad Eyubov hesaba tarazlıq gətirib. 9 dəqiqə sonra isə "qırmızı-qaralar" qələbə topunu vurub. Filip Ozobiç Fərhad Vəliyevi məyus etməyi bacarıb.
Lakin bu oyunda vurulan son qol olmayıb. 94-cü dəqiqədə Sadiq Quliyev rəqibə qarşı cərimə meydançasında kobud oynayıb və baş hakim "Sumqayıt"ın lehinə penalti təyin edib. Topa yaxınlaşan Amil Yunanıov hesabı bərabərləşdirib - 2:2.
Bu görüşdən sonra "Qəbələ" xal ehtiyatını 22-ə çatdıraraq liderlik mövqeini möhkəmləndirib. "Sumqayıt" isə 9 xalla 6-cı pillədədir.
Turun son oyununda "Neftçi" komandası "Qarabağ"ı qəbul edib.
"Bakcell Arena"da keçirilən qarşılaşmada qonaqlar fərqlənməyi bacarıb. Matçın 29-cu dəqiqəsində Rahid Əmirquliyev güclü zərbə ilə topu qapıdan keçirib. İlk hissənin sonunda isə "Qarabağ"ın hücumu zamanı jayro Rodriges topu öz qapısına göndərib - 0:2.
Bundan sonra qapılara qol vurulmayıb və "Qarabağ" 3 xalı iki qolla qazanıb. Bu görüşdən sonra "Qarabağ" xal ehtiyatını 19-a çatdıraraq turnir cədvəlinin ikinci pilləsinə yüksəlib. "Neftçi" isə 6 xalla 7-cidir.
Qeyd edək ki, turun digər görüşlərində "Kəpəz" "İnter"lə (0:0), AZAL "Zirə" ilə (1:1), "Sumqayıt" isə "Qəbələ" ilə (2:2) sülh bağlayıb.
Azərbaycan Premyer Liqası, IX tur
25 oktyabr
16:00. "Sumqayıt" - "Qəbələ" - 2:2
Qol: Fərid Nəbiyev, 4. Amil Yunanov, 90+5 (P) - Rəşad Eyyubov, 64. Filip Ozobiç, 72
Hakimlər: Rəhim Həsənov, Namiq Hüseynov, Cavanşir Yusifov, Azər Əsgərov
Əlavə köməkçi hakimlər: İnqilab Məmmədov, Rəvan Həmzəzadə
AFFA nümayəndəsi: Vaqif Davudov
Hakim-inspektor: Rövşən Əhmədov
Sumqayıt. "Kapital Bank Arena" stadionu
19:00. "Neftçi" - "Qarabağ" - 0:2
Qol: Rahid Əmirquliyev, 29. Jayro Rodriges - 90. (Avtoqol)
Hakimlər: Ramil Diniyev, Mehman Mahmudov, Akif Əmirəli, Knyaz Əmiraslanov
Əlavə köməkçi hakimlər: Əliyar Ağayev, Orxan Məmmədov
AFFA nümayəndəsi: Ramiz Mustafayev
Hakim-inspektor: Əli Hüseynov
Bakı. "Bakcell Arena" stadionu
Qeyd edək ki, turun ilk oyununda "Kəpəz" "İnter"lə (0:0), AZAL isə "Zirə" ilə (1:1) sülh bağlayıb.
