"Qəbələ"nin Avropa Liqasının qrup mərhələsində rəqibi olan Belçikanın "Anderlext" klubu ölkə çempionatında növbəti qələbəsini qazanıb. Sportnet.az-ın məlumatına görə. Brüssel təmsilçisi bu gün XII turun "Mexelen"lə ev oyununda 2:0 hesabı ilə qalib gəlib.
Oyun qonaqlar üçün çox uğursuz alınıb. Belə ki, "Mexelen" 6-cı dəqiqədə penaltidən dəqiq istifadə edə bilməməyi azmış kimi, ilk hissənin son dəqiqəsində futbolçusu qırmızı vərəqə aldığına görə azlıqda qalıb. Bunadək 31-ci dəqiqədə meydan sahiblərinin polşalı hücumçusu Lukaş Teodorçuk hesabı açıb. Matçın 81-ci dəqiqəsində isə Turi Tielemans penaltidən hesabı 2:0 edib.
"Anderlext" 12 oyundan 24 xalla 2-ci pillədə qalıb və lider "Varegem"dən 2 xal geridədir.
