Rusiya Premyer Liqasında baş məşqçi istefası baş verib. Sportnet.az-ın məlumatına görə, "Krılya Sovetov" klubunun belçikalı çalışdırıcısı Frank Verkoteren istefaya göndərilib.
Bu haqda klubun Direktorlar Şurasının üzvü və Samara vilayətinin idman naziri Dmitri Şlyaxtin məlumat olub. O, baş məqşçinin "Orenburq"a səfərdə 0:1 hesabı ilə məğlub olduqları matçdan sonra vəzifəsindən çıxarıldığını söyləyib: "Verkoteren nəticələr olmadığına görə postundan azad olunub. Yeni baş məşqçi ilə bağlı namizədimiz var ki, onu yaxın vaxtda təqdim edəcəyik. Ola bilər ki, bu, hətta sabah açıqlansın".
Samara klubu 7 xalla turnir cədvəlində sonuncu pillədə gedir.
Xatırladaq ki, millimizin futbolçusu, hazırda "Boavişta"nın şərəfini qoruyan Emin Mahmudov "Krılya Sovetov"da Verkoterinin rəhbərliyi altında olub. Ancaq belçikalı mütəxəssis gənc yarımmüdafiəçimizi bəyənmədiyindən az oynadıb. Nəticədə Mahmudov həmin vaxt Premyer Liqada çıxış edən "Mordoviya"ya icarəyə veirlib.
