Bu gecə keçiriləcək yoldaşlıq görüşləri arasında ən maraqlısı olan İtaliya - Almaniya matçında dünya futbolu üçün mühüm olay həyata keçiriləcək. Sportnet.az-ın məlumatına görə, Azərbaycan milli komandasının 2018-ci il dünya çempionatının seçmə mərhələsində növbəti rəqibinin matçında videotəkrardan istifadə ediləcək.
Bu, qol, qırmızı vərəqə, penalti epizodlarına aid olacaq. Mübahisəli vəziyyət yaranacağı halda baş hakimin iki köməkçisi işə qarışacaq. Onlar epizodun təkrarına baxaraq qərar verəcəklər. Baş hakimin isə videotəkrara baxmaq hüququ yoxdur.
