Azərbaycan millisinin sabiq üzvü Ufuk Budakın çıxış etdiyi Türkiyənin "Kayserispor" klubunun baş məşqçisi Hakan Kutlu istefa verib. Sportnet.az-ın məlumatına görə, baş məşqçi Super Liqanın XIII turunda "Trabzonspor"la ev oyunundan (0:1) sonra bu addımı atıb.
Kayseri təmsilçisi hazırda 9 xalla turnir cədvəlinin 17-ci pilləsində qərarlaşıb.
H.Kutlununun istefası Super Liqada 13 tur ərzində 6-cı baş məşqçi ayrılığı olub. Buna qədər Joze Morais ("Antalyaspor"), Krunoslav Yurkis ("Adanaspor"), Rıza Çalımbay ("Kasımpaşa"), Cihat Arslan ("Akhisar") və İbrahim Üzülmez ("Genclerbirliyi") istefa verib.
