"Beşiktaş"ın stadionu "Vodafone Arena"nın qarşısında az öncə partlayış olub.
Sportnet.az-ın məlumatına görə, olay arenanın qonaq komandanın azarkeşləri üçün nəzərdə tutulan giriş qapısı qarşısında duran çevik qüvvələrin yerləşdiyi məkanda baş verib. Hadisə yerinə təcili yardım maşınları və xilasedicilər gəlib.
Şahidlərin sözlərinə görə, birincisi daha şiddətli olmaqla iki partlayış olub. Bunun ardından isə silah səsləri eşidilib.
Türkiyənin daxili işlər naziri Süleyman Soylu 20-yə yaxın yaralığının olduğunu açıqlayıb: "Buraspor"la matçdan sonra qonaq azarkeşlərin çıxışında - çevik polisinin olduğu yerdə bombanın yerləşdiyi avtomobilin olduğu güman edilir. 20-dək yaralı var. Ölənlərin sayı ilə bağlı bir məlumatımız yoxdur. Olmayacağına ümid edirəm. Yaralananlar polislərdir".
Partlayış stadion boşalandan sonra olub. Matçda olan asayiş keşikçilərinin üzərinə hücum olduğu deyilir.
Qeyd edək ki, "Beşiktaş"ın "Bursaspor"a 2:1 hesabı ilə qalib gəldiyi həmin matçda qonaqların heyətində millimizin hücumçusu Deniz Yılmaz 90 dəqiqə oynayıb.
