"Qəbələ"nin futbolçusu Ürfan Abbasov Topaz Premyer Liqasının II turunda "Araz Naxçıvan"la keçirəcəkləri oyun barədə danışıb. Sportnet.az-ın məlumatına görə, gənc müdafiəçi "gabalafc.az"a açıqlamasında qələbə üçün meydana çıxacaqlarını bildirib.
Bununla belə, Abbasov rəqibin ilk turda "Neftçi"ni 3:0 hesabı ilə darmadağın etdiyini xatırladaraq, deyib ki, arxayınlaşmaq olmaz: "Mövsümün startı bir az uğursuz oldu. Ola bilər ki, komanda istənilən səviyyədə uyğunlaşmamışdı. Çox adi, bizə yaraşmayan səhvlər buraxdıq. Erkən qollar buraxdıqdan sonra oyunda da dönüş yarada bilmədik. Artıq ikinci oyuna hazırlaşırıq. Qarşılaşmanın keçiriləcəyi günü gözləyirik. "Araz-Naxçıvan” yaxşı komandadır. Premyer Liqada ilk mövsümləri olsa da, futbolçularını tanıyırıq. Əsasən gənclərdən təşkil olunan komandadır. Amma bizə arxayınlaşmaq olmaz. Rəqibimiz ilk turda "Neftçi”yə qalib gəlib. Çempionatda ilk qələbəmizi qazanmaq üçün mübarizə aparacağıq. Doğma meydanda oynayırıq və azarkeşlərimizi qələbə ilə sevindirməyə çalışacağıq”.
Bununla belə, Abbasov rəqibin ilk turda "Neftçi"ni 3:0 hesabı ilə darmadağın etdiyini xatırladaraq, deyib ki, arxayınlaşmaq olmaz: "Mövsümün startı bir az uğursuz oldu. Ola bilər ki, komanda istənilən səviyyədə uyğunlaşmamışdı. Çox adi, bizə yaraşmayan səhvlər buraxdıq. Erkən qollar buraxdıqdan sonra oyunda da dönüş yarada bilmədik. Artıq ikinci oyuna hazırlaşırıq. Qarşılaşmanın keçiriləcəyi günü gözləyirik. "Araz-Naxçıvan” yaxşı komandadır. Premyer Liqada ilk mövsümləri olsa da, futbolçularını tanıyırıq. Əsasən gənclərdən təşkil olunan komandadır. Amma bizə arxayınlaşmaq olmaz. Rəqibimiz ilk turda "Neftçi”yə qalib gəlib. Çempionatda ilk qələbəmizi qazanmaq üçün mübarizə aparacağıq. Doğma meydanda oynayırıq və azarkeşlərimizi qələbə ilə sevindirməyə çalışacağıq”.
Qeyd edək ki, "Qəbələ" - "Araz Naxçıvan" matçı avqustun 17-də saat 20:00-da başlanacaq.
