"Bakı” futbol klubunun fəxri prezidenti Anar Məmmədov komandanın hazırkı durumu ilə bağlı fikirlərini bölüşüb. Sportnet.az-ın məlumatına görə, Məmmədov jurnalislərə açıqlamasında paytaxtın eyniadlı təmsilçisində vəziyyətin ürəkaçan olmadığını söyləyib.
O, buna səbəb kimi klubun prezidenti Hafiz Məmmədovun son vaxtlar üzləşdiyi problemləri göstərib: "Hafiz müəllimin üzləşdiyi xoşagəlməz hadisələr klubu bir qədər zəiflədib. Amma yəqin ki, o, gələcəkdə klubun inkişafı üçün səylərini əsirgəməyəcək, vəziyyət düzələcək”.
