Azərbaycan milli komandasının sabiq baş məşqçisi Berti Foqts yubileyinə hazırlaşır. Sportnet.az-ın məlumatına görə, dekabrın 30-da 70 illiyini qeyd edəcək almaniyalı mütəxəssis öz ölkəsinin mətbuatının diqqət mərkəzindədir.
Almaniyalı həmkarlarımız Foqtsdan həyatında bu əlamətdar günü necə qeyd edəcəyini soruşub: "Bunu təklikdə bir qədəh yaxşı qırmızı şərabla qeyd edəcəyəm. Yubileyimi harada keçirəcəyimi hələ dəqiqləşdirməmişəm. Buna baxarıq. Əslində, Berti Foqts dünyada tənha deyil. Ad günümü harda istəsəm, qeyd edə bilərəm. Buna görə də 70 illiyimi yanvarın ortasınadək keçirəcəyəm".
Foqts bu il dünyanın ən yaxşı futbolçusu seçilən Kriştianu Ronaldudan da söz açıb: "Mən Ronaldu ilə ilk dəfə görüşəndə, onun 18 yaşı vardı. O, super futbolçu, eyni zamanda gözəl insandır".
